مطبخ

طورطة عيد ميلاد بنكهة القهوة والكراميل

طورطة عيد ميلاد بنكهة القهوة والكراميل خطيرة😋
مقادير الجينواز
4 بيضات
100 غ سكر أو كأس إلا ربع
120 غ دقيق أو كأس وربع
خمارة وزن 8 غ
ملح و فانيلا
الكريما
2 علب شونتيي
300 مل حليب أو كأسين
ملعقة نيسكافي
3 ملاعق ك صوص كراميل جاهزة
للسقي
سيرو عادي ديال الماء والسكر


الطريقة
كنفرقو الصفار عن بياض البيض ونبداو بالبياض نطلعوه بالخلاط الكهربائي مع رشة ملح واضافة نصف كمية السكر بالتدريج حتى طلع عندنا مورانگ عاقدة مزيان نحيدوها ومباشرة نديرو نفس العملية بالنسبة للصفار ولكن مع اضافة الفانيلا بدل الملح ونصف كمية السكر المتبقية كذلك بالتدريج حتى يفتح لونه.
نخويو الصفار على البياض ونحركو بهدوء من اسفل لاعلى حتى يندمجو شوية ونبدا في اضافة الدقيق مع الخميرة بواسطة غربال على 3 مرات ودائما التحريك من أسفل لاعلى حتى يتشرب الخليط كل كمية الدقيق.
نفرغوه في قالب قطره 25 لي يكون مدهون بالزبدة ومفرش بورق الطهي الا بغيتو جينواز عالية ديرو مول 22 سنتمتر أو أقل .
ندخلوها طيب لفرن على حرارة 180 او نار هادئة بالنسبة لفرن الغاز كتاخد تقريبا من 40 الى 45 دقيقة.
نخليوها تبرد تماما عاد يمكن نقطعوها.
كنطلعو بودرة الشونتيي مع القهوة والكراميل والحليب يكون بااارد ونسقيو الجينواز بالسيرو ونعمروها بلاكريم والتزيين حسب الرغبة
بالصحة والراحة